ABŞ Dövlət katibi Mayk Pompeo Donald Tramp və Şimali Koreya lideri Kim Çen In arasında yeni görüşün baş tutacağını deyib.
Modern.az xarici KİV-ə istinadən xəbər verir ki, Pompeo görüşün dəqiq tarixini açıqlamayıb.
“Mən əminəm ki, prezident Tramp və Kim Çen In yaxın vaxtlarda yenidən görüşəcək”. O həmçinin, ABŞ və Şimali Koreyanın yarımadanı nüvəsizləşdirmək üçün razılıq əldə olunduğunu da əlavə edib.
İki lider arasında keçiriləcək görüş üçün mümkün varianlar kimi Vyetnam, İndoneziya, Monqolustan, ABŞ-ın Havay ştatı, Şimali Koreya ilə Cənubi Koreyanın sərhəddi nəzərdən keçirilir.
Rəsmi Pxenyan isə iki liderin yeni zirvə görüşü üçün öz ölkəsini təklif edir.
Xatırladaq ki, ötən il iyunun 12-də Sinqapurda ilk ABŞ-Şimali Koreya zirvə görüşü keçirilib.
