Bakıda qadın həyat yoldaşı tərəfindən bıçaqlanıb. Modern.az “Trend”ə istinadən xəbər verir ki, hadisə paytaxtın Xəzər rayonu ərazisində baş verib.
Rayonun Türkan qəsəbəsində yaşayan, əvvəllər məhkum olunmuş, 1968-ci il təvəllüdlü Balayev Müxalif Fərrux oğlu həyat yoldaşı, 1980-ci il təvəllüdlü Balayeva Cəmalə Yaşar qızı ilə mübahisə edib.
Mübahisə nəticəsində M.Balayev C.Balayevanı bıçaqlayıb.
C.Balayeva xəstəxanaya yerləşdirilib.
Faktla bağlı Xəzər rayon Polis İdarəsində Cinayət Məcəlləsinin 126.1-ci (qəsdən sağlamlığa zərər vurma) maddəsilə cinayət işi başlanıb və M.Balayev şübhəli şəxs qismində saxlanılıb.
