Qubada qanunsuz ov edən şəxs tutulub.
Daxili İşlər Nazirliyinin mətbuat xidmətinin Quba regional qrupundan Modern.az-a verilən məlumata görə, yanvarın 31-də qanunsuz ov etdiyinə görə Quba rayonu, 2-ci Nügədi kənd sakini Firudin Həbibov Rayon Polis Şöbəsinin əməkdaşları tərəfindən saxlanılıb.
Saxlanılan zaman həmin şəxsdən 1 ədəd “Tula” markalı ov tüfəngi və 5 ədəd patron, habelə ovladığı 2 ədəd çöl göyərçini götürülüb.
Faktla bağlı Quba Rayon Polis Şöbəsində araşdırmalar aparılır.
