“Azərsu” Açıq Səhmdar Cəmiyyəti əhalinin içməli su təchizatının yaxşılaşdırılması istiqamətində tədbirləri davam etdirir. Həyata keçirilən layihələrə uyğun olaraq Bakının Xətai rayonu ərazisində magistral kəmərlərin yenilənməsi işləri aparılır. Bununla əlaqədar 2-3 dekabr tarixlərində Xətai rayonunun bir hissəsinə - Gəncə prospekti, X. Məmmədov, S.Ə.Şirvani, Vunqtau, Məhəmməd Hadi küçələrinə içməli suyun verilməsində müəyyən fasilələr olacaq.
Bu barədə “Azərsu” ASC-nin Mətbuat xidməti və ictimaiyyətlə əlaqələr şöbəsi məlumat yayıb.
Yaranmış narahatlıqla əlaqədar “Azərsu” ASC abonentlərdən üzr istəyir.
Modern.az
