İranın daha 3 peyki təkmilləşdirilməkdədir və 2019-cu ildə kosmosa göndəriləcək.
Bunu İranın Kosmik Agentliyinin direktoru və rabitə və informasiya texnologiyaları nazirinin müavini Murtaza Bərari jurnalistlərə verdiyi açıqlamada deyib.
M.Bərari “Zəfər” (Sensing Satellite) və “Pars 1” məsafədən zondlama peykləri və “Nahid 1” rabitə peykinin orbitdə yer alacağına ümid edib.
Trend xatırladır ki, İran 15 yanvar 2019-cu ildə Pəyam peykini, fevralın 6-da başqa bir peyki kosmosa buraxsa da, onlar orbitdə yer almayıblar.
