Moskva polisi “Sadovod” bazarı və “Moskva” ticarət mərkəxində kütləvi axtarışlara başlayıb.
Modern.az Rusiya KİV-nə istinadən xəbər verir ki, bu barədə hüquq-mühafizə orqanlarından bildirilib.
“Bazar ertəsi səhərdən başlayaraq Tixoretsk bulvarında yerləşən “Moskva” ticarət mərkəzi polis və OMON-çular tərəfindən mühasirəyə alınıb”-deyə mənbə məlumat verib.
“Sadovod” bazarına daxil olan polis burada azərbaycanlılar da daxil olmaqla, satıcıları yoxlayıb. Tədbirin profilaktik xarakter daşıdığı xəbər verilir.
Xatırladaq ki, "Sadovod" bazarının sahibləri əslən Qubanın Qırmızı qəsəbəsindən olan milyarderlər Zarah İliyev və Qod Nisanovdur.
