ABŞ-ın İran İnqilab Keşikçiləri Korpusunu (SEPAH) terror təşkilatı kimi tanımasına rəsmi Tehrandan sərt reaksiya gəlib.
Modern.az xarici mediaya istinadən xəbər verir ki, İran Xarici İşlər Nazirliyi bununla bağlı ABŞ-a rəsmən nota verib.
İran parlamentinin Milli Təhlükəsizlik və Xarici Siyasət Komitəsinin sözçüsü Əli Nəcəfi Hoşrudi isə bildirib ki, bu qərardan dərhal sonra XİN başçısı Cavad Zərifin rəhbərliyi ilə toplantı keçirilib: “Elə həmin toplantıda Zərif qeyd edib ki, ABŞ-ın bu qərarı təhlükəlidir, cavabsız qalmayacaq və gərəkli addımlar atılacaq”.
Bu arada isə ABŞ Dövlət katibi Mayk Pompeo deyib ki, bir həftə içində İran İnqilab Keşikçiləri Korpusuna qarşı yeni sanksiyaların tətbiqinə başlanılacaq.
