Dekabrın 26-da Prezident İlham Əliyev 92 məhkumun əfv olunması haqqında sərəncam imzalayıb. Dekabrın 27-si səhər tezdən sərəncamın icrasına başlanılıb.
Sərəncamda 75 məhkum azadlıqdan məhrum etmə cəzasının çəkilməmiş hissəsindən, 1 şəxs şərti cəzadan, 2 nəfər islah işləri cəzasından, 14 şəxs isə cərimə cəzasından azad edilib.
Siyahıda AXCP gənclər təşkilatının fəalı Cabbar Savalanlının da adı var. Bu il mayın 4-də Sumqayıt şəhər Məhkəməsi Cabbar Savalanlını 2 il yarım müddətinə azadlıqdan məhrum edib. O qanunsuz narkotik maddə saxlamaqda ittiham olunub.
Cabbar Savalanlı dünən gecə evə buraxılıb.
Modern.az
