Dekabrın 30-da Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib. Fondun Müşahidə Şurası sədrinin müavini Vüqar Rəhimzadə iclasın gündəliyində 2012-ci ilin I yarımili üçün KİV layihələrinin maliyyələşdirilməsilə bağlı müsabiqəyə təqdim edilmiş layihə təkliflərinin müzakirəsi məsələsinin dayandığını bildirib.
Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli Müşahidə Şurasının 2011-ci il 5 dekabr tarixli qərarı ilə müsabiqənin şərtlərində müəyyən dəyişikliklərin edildiyini xatırladıb.
Fondun icraçı direktoru bildirib ki, bu dəyişikliklərlə maliyyə yardımının ayrılması üçün qəzetlərin tirajının 1500-dən 2000-ə, gündəlik yayımının 500-dən 750-ə qaldırılması şərti irəli sürülmüşdür. Həmçinin bildirmişdir ki, dekabrın 6-dan 29-dək Fonda 31 qəzet layihə təklifi ilə müraciət edib.
Vüqar Səfərli Fondun ekspertlərinin 2011-ci ilin II yarımilində apardıqları monitorinqlərin nəticələrinə əsasən, maliyyə vəsaiti ayrılmış bəzi qəzetlərdə müqavilə şərtlərinin pozulduğunu konkret faktlar əsasında Müşahidə Şurası üzvlərinin diqqətinə çatdırıb.
Sonra layihə təklifləri Fondun Müşahidə Şurasının müzakirəsinə çıxarıllb. Müşahidə Şurasının üzvləri qəzetlərə maliyyə vəsaitinin ayrılması zamanı onların bundan əvvəl layihələrin icrasında yol verdikləri ciddi nöqsan və qüsurların nəzərə alınmasının vacibliyini vurğulayıblar. Eyni zamanda, Fondun xəbərdarlıqlarına baxmayaraq belə qüsur və çatışmazlıqları aradan qaldırmayan qəzetlərə qarşı gələcəkdə sərt sanksiyaların tətbiqi ilə bağlı təkliflər səsləndirilib.
Müzakirələrin yekunu olaraq son 1 ildə müntəzəm nəşr olunan, dövriliyi həftədə 1 dəfədən və tirajı 2000 nüsxədən az olmayan, hər buraxılışından ən azı 750 nüsxəsi satılan və ya abunə yolu ilə yayılan qəzetlərə maliyyə yardımının ayrılması qırara alınıb. Maliyyə vəsaitlərinin ayrılması zamanı bəzi qəzetlərin yol verdiyi nöqsan və qüsurlar nəzərə alınıb.
Müzakirələrdən sonra Müşahidə Şurasının üzvləri Fondla imzaladığı müqavilənin şərtlərinə əməl edən 28 qəzetə maliyyə yardımının ayrılması ilə bağlı qərar qəbul ediblər.
Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun 2012-ci ilin I yarısında aşağıdakı qəzetlərə maliyyə yardımı ayırıb.
|
№ |
Qəzetin adı |
AYRILACAQ MƏBLƏĞ |
|
1. |
“Yeni Azərbaycan” qəzeti |
50 000 |
|
2. |
“Səs” qəzeti |
50 000 |
|
3. |
“Kaspi” qəzeti |
50 000 |
|
4. |
“Mövqe” qəzeti |
50 000 |
|
5. |
“Ədalət” qəzeti |
50 000 |
|
6. |
“Ayna-Zerkalo” qəzeti |
50 000 |
|
7. |
“525-ci” qəzet |
50 000 |
|
8. |
“Bakı-Xəbər” qəzeti |
50 000 |
|
9. |
“Yeni Müsavat” qəzeti |
50 000 |
|
10. |
“Olaylar” qəzeti |
40 000 |
|
11. |
“Paritet” qəzeti |
30 000 |
|
12. |
“Palitra” qəzeti |
30 000 |
|
13. |
“Azadlıq” qəzeti |
30 000 |
|
14. |
“Paralel” qəzeti |
30 000 |
|
15. |
“Həftə İçi” qəzeti |
30 000 |
|
16. |
“Azad Azərbaycan” qəzeti |
30 000 |
|
17. |
“Şərq” qəzeti |
30 000 |
|
18. |
“Xalq Cəbhəsi” qəzeti |
30 000 |
|
19. |
“Futbol+Qol” qəzeti |
30 000 |
|
20. |
“Üç Nöqtə” qəzeti |
20 000 |
|
21. |
“Novoye Vremya” qəzeti |
20 000 |
|
22. |
“Olimpiya Dünyası”qəzeti |
15 000 |
|
23 . |
“Oxu Məni” qəzeti |
10 000 |
|
24. |
“Azernews” qəzeti |
10 000 |
|
25. |
“Reytinq” qəzeti |
8 000 |
|
26. |
“İqtisadiyyat” qəzeti |
5 000 |
|
27. |
“Təhsil Problemləri” qəzeti |
5 000 |
|
28. |
“The Business Times” qəzeti |
5 000 |
Modern.az
