Yanvarın 5-də Nərimanov rayonu ərazisində "ARTS" tikinti materiallarının alqı-satqısı şirkətinin direktoru Bakı şəhər sakini Bəhəddin Qarakedəyev Nərimanov RPİ 17-ci PB-yə ərizə ilə müraciət edərək həmin gün saat 18.00 radələrində F.X.Xoyski küçəsi ev 113-ün qarşısında şirkətin xəzinadarı Mərdan Xankişiyevin onun əlindəki 20.000 manat pul olan bükülünü alaraq qaçdığını bildirib.
Daxili İşlər Nazirliyinin məlumatına görə, Nərimanov RPİ 17-ci PB əməkdaşlarının həyata keçirdikləri əməliyyat-axtarış tədbirləri nəticəsində Qarakedəyev Bəhəddinin əlindən 20000 manat pulunu alaraq qaçmış Mərdan Xankişiyev tutulub.
Modern.az
