Rusiya prezidenti Vladimir Putin ölkədəki hava limanlarına məşhur şəxslərin adının verilməsi barədə sərəncam imzalayıb.
Modern.az Rusiya KİV-nə istinadən xəbər verir ki, sərəncama əsasən, məşhur azərbaycanlı geoloq, Sibirdə zəngin neft yataqları aşkarlayan Fərman Salmanovun adı rəsmən Surqut hava limanına verilib.
Xatırladaq ki, 2018-ci ilin dekabrında Rusiyada ümumxalq səsverməsinin nəticələrinə əsasən, Fərman Salmanovun (1931-2007) adının Surqut hava limanına verilməsi istənilmişdi. Rusiya prezidentinin bugünkü sərəncamı tarixi hadisəni rəsmiləşdirib.
