Qazaxıstanın Azərbaycandakı səfirliyində təşkil olunan 262 saylı seçki məntəqəsində Bakı vaxtı ilə saat 20:00-da seçicilərin 100 faizi səs verib.
Modern.az "Kazinform" informasiya agentliyinə istinadən xəbər verir ki, Qazaxıstan vətəndaşları seçki məntəqələri açılandan sonra gəlməyə başlayıblar.
Birinci səsvermədə iştirak edənlər arasında Bakıda olan qazaxıstanlı idmançılar olub.
Seçkilərə həmçinin, biznes və şəxsi işlə bağlı Bakıda olan Qazaxıstan vətəndaşları fəal şəkildə qatılıblar, onların arasında çox sayda turist və bu ölkədə işləyən iş adamları olub.
Bundan əlavə, seçki məntəqəsində beynəlxalq müşahidəçilər işləyib.
