Qazaxıstanın yeni seçilən prezidenti Qasım-Jomart Tokayev keçirdiyi mətbuat konfransında ölkəsinin Ermənistanla münasibətlərindən danışıb.
Modern.az saytının xəbərinə görə, bu haqda “Forbes-Qazaxıstan” nəşri yazıb.
Tokayev bildirib ki, onun Ermənistana böyük simpatiyası var.
“Bu yaxınlarda mən Nikol Paşinyanla görüşdüm. Yeri gəlmişkən, 5 dəqiqədən sonra mənə zəng etməlidir. Bildiyim qədərilə təbrik etmək üçün. Biz konkret layihələrlə əməkdaşlığımızın möhkəmlənməsi üzərində razılaşdıq”-deyə Tokayev bildirib.
O deyib ki, Qazaxıstanın Ermənistanla tarix və dil baxımından oxşarlığı çoxdur.
“Buna görə də, gələcək əməkdaşlığa nikbinliklə baxıram. Şübhə etməyin ki, Qazaxıstan tərəfindən əməkdaşlığın möhkəmlənməsi üçün hər şey ediləcək”.
