“Fransa Senatı da bu ölkənin Milli Assambleyası kimi yanvarın 23-də keçiriləcək iclasında qondarma “erməni soyqırımı”nın inkarına görə cəzanı nəzərdə tutan qanun layihəsini qəbul edərsə, o zaman Fransanın ATƏT-in Minsk qrupunda həmsədr dövlətlərdən biri kimi tərəfsiz mövqe tutacağı ciddi sual altına düşəcək”.
Bunu parlament jurnalistlərilə görüşdə millət vəkili Fuad Muradov deyib. O, qeyd edib ki, Fransa parlamenti hələ bir neçə il öncə spzdə “erməni soyqırımı”nı tanıyıb. Bu da həmin ölkənin nüfuzuna, Qarabağ münaqişəsinin sülh yolu ilə tənzimlənməsində vasitəcilik missiyasını həyata keçirən həmsədr ölkələrdən biri kimi obyektivliyinə kölgə salır: “İndi bu ölkənin Senatı yenidən yalnış və ədalətsiz qərar qəbul edərsə, bu, bütövlükdə Fransanın Qarabağ məsələsinin həllində vasitəçilik missiyasına böyük ziyan vuracaq. Fransa bundan sonra nəyisə bəyan etsə, artıq onun tərəfsizliyinə, obyektivliyinə heç kim inanmayacaq. Bu isə heç şübhəsiz həmin ölkənin ATƏT-in Minsk qrupunun həmsədrliyindən uzqalaşdırılması məsələsini gündəmə gətirəcək.
Onu da qeyd edim ki, bu gün ATƏT-in Minsk qrupu hec də 3 ölkədən ibarət deyil, bu qrupda 11 ölkə, o cümlədən, Almaniya, Türkiyə təmsil olunur. Bu baxımdan hesab edirəm ki, Fransanın həmsədrlikdən uzaqlaşdırılması, onun başqa ölkə ilə əvəz olunması məsələsi ilk növbədə həmin dövlətlər tərəfindən qaldırılmalı və həmsədrlikdən uzqalaşdırılmalıdır. Konkret olaraq Alamniya, Türkiyə bu institutda Fransanı əvəz edə bilər”.
Modern.az
