Bu gün Fransa Senatında uydurma “erməni soyqırımı”nı inkar edənlərin cəzalandırılmasını nəzərdə tutan qanun layihəsi müzakirəyə çıxarılıb.
Bu sənəddə uydurma “erməni soyqırımı”nı inkar edənlərin 1 il müddətinə azadlıqdan məhrum edilməsi və 45 min avro miqdarında cərimələnməsi nəzərdə tutulur. Layihə Senatda təsdiqlənərsə, imzalanmaq üçün prezidentə göndəriləcək.
Modern.az Türkiyə mediasına istinadən bildirir ki, qanun layihəsinin müzakirəsi zamanı 13 senator çıxış etmək üçün qeydə alınıb. Parisə toplaşan türklər isə Senat qarşısında etiraz aksiyasına başlayıblar.
Senatın ümumi yığıncağında müzakirələrin təxminən 2 saat davam etməsi gözlənilir. Daha sonra sənəd səsverməyə çıxarılacaq.
Türkiyə mediası müzakirələri internetdə canlı olaraq təqdim edir.
Müzakirələri bu lnkdən izləmək olar: //www.ahaber.com.tr/webtv/videoizle/ahaber/canli_yayin
