Respublika Baş Dövlət Yol Polisi İdarəsinin şöbə rəisi Kamran Əliyev verdiyi məlumata görə, Bakı şəhərində və əsas magistral yollarda avtomobillərin hərəkəti yenidən bərpa olunub. Buna baxmayaraq o, bəzi enişli-yoxuşlu yerlərdə yolların şaxta nəticəsində buz bağladığını qeyd edib.
“Şəki-Balakən-Zaqatala, İsmayıllı-Muğannı yolunda hazırda qar yağmağa davam edir. Ancaq yolda nəqliyyatın hərəkəti məhdudlaşmayıb. Bakı-Şamaxı-Yevlax yolu və Ağsu aşırımında yolun hərəkət hissəsinə qarın çox yağması səbəbindən nəqliyyatın hərəkətində qismən məhdudlaşma var”.
K.Əliyev dünən şaxtalı və küləkli havada respubllikada 6 yol nəqliyyatı hadisəsinin baş verdiyini və bunun nəticəsində 2 nəfərin öldüyünü bildirib. Yol qəzalarında 5 nəfər yaralanıb.
Modern.az
