Daxili İşlər Nazirliyi və Baş Prokurorluğun mətbuat xidmətləri rüşvətxorluğa görə həbs edilən polis mayoru barədə birgə məlumat yayıb. Hüquq-mühafizə orqanlarından Modern.az-a daxil olan məlumatda qeyd edilib:
- 2012-ci ilin fevralın 11-də Bakı şəhər sakini R.Bağırova Daxili İşlər Nazirliyinə müraciət edərək qohumu H.Babayevin cinayət məsuliyyətinə cəlb olunmaması müqabilində özünü Sabunçu Rayon Polis İdarəsinin əməkdaşı kimi təqdim etmiş bir şəxsin ondan pul tələb etməsi barədə məlumat verib.
Nazirliyin və Baş Prokurorluğun əməkdaşlarından ibarət əməliyyat qrupu tərəfindən həyata keçirilmiş operativ tədbirlərlə Sabunçu Rayon Polis İdarəsinin Narkotiklərlə mübarizə bölməsinin baş əməliyyat müvəkkili, polis mayoru Nurəddin Qəmbərov həmin vətəndaşdan 1500 ABŞ dolları alarkən saxlanılıb.
Fakta görə cinayət işi başlanılaraq istintaq aparılır.
Modern.az
