Rusiyada soyuqdan 215 nəfər ölüb
Rusiyada havaların şaxtalı keçməsi nəticəsində donvurmadan 215 nəfər dünyasını dəyişib. Modern.az saytı Rusiya kütləvi informasiya vasitələrinə istinadən xəbər verir ki, yanvarıbn 20-dən fevralın 13-dək soyuq havadan zərərçəkənlərin ümumi sayı 5546 nəfər olub.
Həmin müddətdə Moskvada 308 nəfər zərər çəkib, onların 12-si uşaq olub, 7 nəfər ölüb.
Moskva vilayətlərində ölənlərin sayı isə 12-yə çatıb.
Təkcə ötən gecə Saratov vilayətində 2 yaşlı körpənin donmuş meyiti aşkar olunub. Voronej vilayətində valideynlərinin qızdırıcı sistemi olmayan otqda qoyub getdikləri 4 yaşlı qız soyuqdan ölüb. Permdə isə doğma anası azyaşlı oğlunu cəzalandırmaq niyyəti ilə evdən qovub, nəticədə o şaxtadan dünyasını dəyişib.
