Bu gün saat 15.00-dan “Eurovision 2012” Mahnı Müsabiqəsinə akkreditasiya başlayıb.
Modern.az Eurovision.az saytına istinadən bildirir ki, qeydiyyat aprelin 20-nə kimi davam edəcək.
Bu gün Bakı vaxtı ilə saat 15.00-da (Mərkəzi Avropa vaxtı ilə saat 12:00-da) “Eurovision” Mahnı Müsabiqəsi 2012-də nümayəndə heyətləri, media təmsilçiləri və fanlar üçün akkreditasiyaya start verilib. Qeydiyyat aprelin 20-də Bakı vaxtı ilə 02.59-da (Mərkəzi Avropa vaxtı ilə saat 23:59-da) başa çatacaq.
Akkreditasiya prosesi ənənəvi olaraq www.eurovision.tv saytında Eurovision Family Accreditation System (EFAS) vasitəsi ilə həyata keçiriləcək.
Aprelin 20-də proses bağlandıqdan sonra bu sistemə müraciət edən şəxsin akkreditasiyadan keçəcəyinə zəmanət verilmir.
Qeyd edək ki, yalnız akkreditasiyadan keçən media mənsubları Eurovision Mahnı Müsabiqəsini işıqlandıra biləcək.
Modern.az
