Azərbaycan Respublikası Prezidentinin 2007-ci il 13 dekabr tarixli 674 nömrəli Fərmanı ilə təsdiq edilmiş “Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası haqqında Əsasnamə”nin 3.6-cı bəndinə uyğun olaraq, Şura üzvlüyünə seçkilərdə namizədlərin irəli sürülməsini təmin etmək üçün 31 yanvar-17 fevral 2012-ci il tarixlərində Şuranın dərc etdiyi elana görə QHT-lərdən ərizələrin qəbulu həyata keçirilib.
Aşağıdakı ixtisaslaşmış QHT qrupları üzrə Şura üzvlüyünə namizəd və seçki iştirakçılarının say nisbəti belə formalaşıb:
insan hüquqları və demokratiya: namizəd – 4 nəfər; iştirakçı – 66 nəfər
ailə, qadın və uşaq məsələləri: namizəd – 6 nəfər; iştirakçı – 80 nəfər
qaçqın, köçkün, əlil və veteranların məsələləri: namizəd – 6 nəfər; iştirakçı – 37 nəfər;
iqtisadi və sosial məsələlər: namizəd – 11 nəfər; iştirakçı – 88 nəfər;
təhsil, elm və mədəniyyət: namizəd – 13 nəfər; iştirakçı – 76 nəfər;
gənclər və vətənpərvərlik tərbiyəsi: namizəd – 10 nəfər; iştirakçı – 140 nəfər;
səhiyyə, sağlamlıq və ekologiya: namizəd – 8 nəfər; iştirakçı – 39 nəfər;
narkomaniyaya, korrupsiyaya, insan alverinə və terrorizmə qarşı mübarizə: namizəd – 5 nəfər; iştirakçı – 41 nəfər;
Qurumun mətbuat xidmətindən verilən məlumata görə, QHT qrupları üzrə yığıncaqların keçirilmə tarixi və yeri haqqında bilgi veriləcək.
Modern.az
