Qırğız Respublikasının prezidenti Almazbek Atambayev Azərbaycan Respublikasına rəsmi səfərə gəlib.
Qonağın qarşılanma mərasimində hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Modern.az AzərTAc-a istinadən bildirir ki, Qırğız Respublikasının prezidenti Almazbek Atambayevi hava limanında Azərbaycan Respublikası Baş nazirinin birinci müavini Yaqub Eyyubov və digər rəsmi şəxslər qarşılayıblar.
Hava limanının ali qonaqlar üçün salonunda prezident Almazbek Atambayev və Baş nazirin birinci müavini Yaqub Eyyubov arasında qısa protokol söhbəti olub.
Modern.az saytına verilən məlumata görə Almazbek Atambayev bu gün Milli Məclisdə çıxış edəcək.
Modern.az
