Milli Məclisin aprelin 6-a olan iclasın gündəliyi məlum olub. Bu barədə Modern.az saytına Milli Məclisin deputatı Zahid Oruc məlumat verib. O bildirib ki, aprelin 6-da keçiriləcək plenar iclasın gündəliyinə 8 məsələ daxildir.
“Bunlar İsa Nəcəfovun Azərbaycan Respublikası Konstitusiya Məhkəməsinin hakimi vəzifəsinə təyin edilməsi, Hesablama Palatasının hesabatı haqqında, Avstraliyanın paytaxtı Kanberra şəhərində Azərbaycfan səfirliyinin təsis olunması, Serbiya Respubikasında avtomobil magistralının tikintisi ilə bağlı kredit sazişi, “Yol hərəkəti haqqında” qanunvericiliyə dəyişiklik edilməsi, Mülkü Məcəlləyə dəyişiklər edilməsi, İnzibati Xətalar Məcəlləsinə dəyişilik edilməsi və “Mədəniyyət haqqında” Qanun layihəsi ilə bağlı məsələlərdir”.
Aytən ƏLİYEVA
