Güclü külək Gədəbəy rayonunun bir sıra kəndlərinə ciddi ziyan vurub. Rayon sakinlərinin Modern.az-a verdiyi məlumata görə dünən axşamdan başlayan külək 7 kəndinin işıqsız qalmasına səbəb olub. Rayonun Qoşabulaq, Pərzamanlı, Keşkənd, Totuqlu, Sadıqlı, Nərman, Ağamalı kəndlərinə kifayət qədər ziyan dəyib. Bəzi meyvə ağacları qırılıb. Səhər saatlarına yaxın külək zəifləsə də. hazırda yenidən güclənib. Enerji verilişində yaranan problemlər isə hələ də aradan qaldırılmayıb.
Gültəkin Ələsgər
