Ötən gün paytaxt restoranlarından birində “Azad Azərbaycan” telekanalının «Son Xəbər» proqramının müxbiri Elvin Vahidoğlunun (Basqallı) toy mərasimi keçirilib. Modern.az xəbər verir ki, Elvin və Gülnar xanımın toyu yüksək əhval-ruhiyyədə və şən mahnıların müşayiətilə keçib.
Məclisdə Elvinin iş yoldaşları, «Son Xəbər»in kollektivi də yaxından iştirak edərək, hazırladıqları videosürprizlə səbəbkarlara ailə səadəti diləyiblər. Populyar müğənnilərin ifaları ilə seçilən toyun aparıcısı isə elə «Son Xəbər»in aparıcısı Ceyhun Səfərov olub.
