“Azəriqaz” İstehsalat Birliyi “Altıağac-Ağsu” magistral qaz kəmərində baş vermiş qəza ilə bağlı məlumat yayıb.
Modern.az-ın verdiyi xəbərə görə məlumatda bildirilir ki, 13 aprel 2012-ci il tarixdə gecə saat 22:50-də 1200 mm-lik “Altıağac-Ağsu” magistral qaz kəmərində sızma və sonradan yanğın baş verib. Görülən tədbirlər nəticəsində kəmərlə qaz nəqli dayandırılaraq, yanğın söndürülüb. Hadisə nəticəsində Xızı rayonunun Altıağac qəsəbəsinə mavi yanacağın verilişi dayandırılıb.
Hal-hazırda alternativ magistral kəmərlə qaz nəql olunur. Qəza-bərpa işləri başa çatana qədər Altıağac qəsəbəsi qazsız qalacaq. Respublikanın digər yaşayış məntəqələrinin qazla təchizatında heç bir problem yoxdur.
Modern.az
