Gəncədəki məscidlərə daha bir sürpriz | Modern.az

Gəncədəki məscidlərə elektrik sayğacları quraşdırılıb. Məscidlərə quraşdırılan elektrik sayğaclarını isə bəzi dindarlar birmənalı qarşılamayıb.

Şəhərin Şah Abbas "Cameə" məscidində namaz qılan bir neçə şəxslərin dediyinə görə, iki gündür ki, məscidə işıqlar yanmayıb və gecələr şam işığı ilə namaz qılmağa məcbur olublar. İşıqların yanmamasının səbəbini Gəncə Regonal Elektrik Şəbəkəsinin müdiri Əhməd Musayev ötən həftədən başlayaraq şəhərdə olan 7 məscidin hamısına elektrik sayğaclarının quraşdırılması ilə əlaqələndirib. Lakin məscidin nümayəndələri bu işi birmənalı qarşılamayıb: 

“Onlar etiraz ədərək bildiriblər ki, “Allahın evi”nə niyə sayğac quraşdırırısız? Bizə əvvəlki kimi elektrik verilsin”.
Gəncə Regonal Elektrik Şəbəkəsinin müdiri Əhməd Musayev bildirib ki, dövlət tərəfindən verilən xüsusi tapışırığa əsasən respublikanın bütün məscidlərində sayğaclar quraşdırılıb.

Qeyd edək ki, hazırda elektrik enerjisinini verilməsi ilə bağlı problem qalmayıb. Belə ki, məscidlərə elktrik sayğacları quraşdırılıb və şəbəkə əməkdaşları sayğac kartlarının axundlara veriblər.

Modern.az