Suriyanın şimalında İdlib vilayətində Türkiyə ilə Rusiyanın birgə birinci post-patrul xidməti başa çatıb.
Modern.az-ın xəbərinə görə, bu barədə Türkiyə Müdafiə Nazirliyinin yaydığı açıqlamada bildirlib.
Açıqlamada qeyd olunub ki, İdlibdəki M4 quru yolunda Türkiyə ilə Rusiya hərbçilərinin quruda və havada birgə post-patrul fəaliyyəti icra edilib.
Qeyd edək ki, Türkiyə ilə Rusiya arasında 5 martda Moskvada imzalanan İdlib müqaviləsindən sonra bu, tərəflər arasında ilk birgə post-patrul xidmətidir.
Suriyada atəşkəsi təmin etmək üçün qəbul edilən 14-cü razılaşmaya görə, birgə fəaliyyətin davam edəcəyi gözlənilir.
