Aprelin 16-da Masallı Rayon İcra Hakimiyyətində ağsaqqallar və ziyalılarla görüş keçirilib. Modern.az-ın məlumatına görə, Masallı rayon İcra Hakimiyyətinin yeni başçısı Rafil Hüseynov rayonda görülən, görüləcək işlərdən danışıb.
Sonra Qafqaz Müsəlmanları İdarəsinin cənub bölgəsi üzrə qazisi Mirqiyas Təhməzov, Rayon Ağsaqqallar Şurasının sədri Cavanşir Əsədov, Masallı şəhər sakini Rafiq Bağırov, Əməkdar müəllim Qurban Qurbanov, ziyalı Ağamməd Nuriyev və başqaları çıxış edərək müxtəlif məsələrlərdən danışıblar. Natiqlər bütün Masallı ictimaiyyəti adından Masallı rayonuna olan diqqət və qayğıya görə ölkə maşçısına minnətdarlıqlarını bildiriblər. Daha sonra isə həlli vacib olan məsələlərdən bəhs edərək qazlaşdırılmanın yekunlaşdırılmasını, ucqar kəndlərə içməli suyun çəkilməsini və artezian quyularının qazılmasını, yolların təmirini, çayçılığın bərpa olunmasını diqqət mərkəzinə çatdırıblar. Rayon İcra Hakimiyyətinin başçısı Rafil Hüseynov görüşü yekunlaşdıraraq irəli sürülən təkliflərin proqramlaşdırılaraq tədricən həll olunacağını bildirib.
