Milli Məclisin bu gün keçirilən iclasında millət vəkili Mübariz Qurbanlı da digər həmkarları kimi “Avroviziya” müsabiqəsi ilə bağlı geniş nitq söyləyib. Deputat bildirib ki, bu zamana kimi dünyanın heç bir ölkəsində müsabiqə belə ajiotaj yararmayıb.
“Bu il Bakıda keçiriləcək “Avroviziya” müsabiqəsi sayca 57-ci dir. Bundan əvvəl 56-cı “Avroviziya” keçirildi. Bununla bağlı biz araşdırma aparmışıq. Azərbaycanla bağlı yaradılan ajiotaj dünyanın heç bir yerində yaradılmayıb. Qeyd edim ki, Azərbaycana qarşı bəzi qüvvələrin təxribatı, informasiya müharibələrinin qarşısı alnacaq. Hər bir azərbaycanlı belə böyük uğurumuzdan qürur duymalıdır. Bu məsələdə ciddi olmalıyıq. Bunun əleyhinə iş aparmamalıyıq”-deyə M.Qurbanlı vurğulayıb. Deputat daha sonra Şuşanın işğalının 20-ci ildönümü ilə bağlı prezidentin sərəncamına münasibət bildirib. M.Qurbanlı bununla bağlı parlament qarşısında bir sıra təkliflər irəli sürüb “Mən təklif edirəm ki, bu iyirmi illə bağlı Azərbaycan parlamenti ayrı-ayrı beynəlxalq təşkilatlara məktublar ünvanlasın. İşğal olunmuş ərazilərlə bağlı xüsusi bir sənəd hazırlanılsın”.
