Dövlət Şəhərsalma və Arxitektura Komitəsində kollegiya iclası keçirilib. Modern.az-ın məlumatına görə, iclasda çıxış edən komitə sədri Abbas Ələsgərov qeyd edib ki, ölkənin hər yerində tikinti-quruculuq işləri geniş vüsət alıb. Bununla belə, bir sıra şəhər və rayonlarda əhalinin vəsaiti hesabına tikilən obyektlərin şəhərsalma nöqteyi nəzərindən sənədləşdirilməsində xeyli nöqsanlara da yol verilib.
”Bu sahədə Komitə tərəfindən onların aradan qaldırılması üçün görülən işlərlə kifayətlənmək olmaz. Bu istiqamətdə daha ciddi addımlar atılmalıdır, hər bir işçinin məsuliyyəti yüksəldilməli, cavabdeh olduğu ərazilər və məsələlər konkretləşdirilməlidir”-deyə A.Ələsgərov bildirib..
