Çin hökuməti koronavirusa qarşı növbəti vaksinin klinik sınaqlarının keçirilməsinə icazə verib.
Modern.az xəbər verir ki, "Wuhan Institute of Biological Products" şirkətinin hazırladığı vaksin, Çində ikinci, dünyada üçüncü sınaqdan keçirilən vaksin olacaq.
Kliniki sınaqlar təsadüfi formada həyata keçiriləcək. Sınaqların məqsədi 6 yaşdan yuxarı şəxslərin immun dayanıqlılığının müəyyən edilməsidir.
Qeyd edək ki, martın 17-də Çində birinci koronavirus vaksinin kliniki sınaqlarına icazə verilmişdi.
Martın 16-da isə ABŞ-ın Vaşinqton ştatında eksperimental vaksinin insanlar üzərində sınaqları başlayıb.
