Bu gün türkdilli dövlətlərin səhiyyə nazirlərinin iştirakı ilə videokonfrans keçiriləcək.
Türk Şurasından Modern.az-a verilən məlumata görə onlayn iclas Bakı vaxtı ilə saat 15:00-da baş tutacaq.
Videokonfrans Türkiyə Səhiyyə naziri Fahreddin Kocanın moderatorluğu ilə təşkil edilir. İclasda əsas müzakirə mövzusu mövcud pandemiya və onun təsirlərinin aradan qaldırılması olacaq.
Qeyd edək ki, iclasın keçirilməsi 10 aprel tarixində Türk Şurasının videokonfrans vasitəsilə keçirilən fövqəladə Zirvə görüşündə Türkiyə Prezidenti Rəcəb Tayyib Ərdoğan tərəfindən təklif edilib.
Bundan əvvəl keçirilən iclasın birinci mərhələsində Azərbaycandan Səhiyyə nazirinin müavini Viktor Qasımov iştirak edib.
