Modern.az-ın məlumatına görə, millət vəkili Vahid Əhmədov parlamentdə tımsil etdiyi Quba şəhərində bir qrup seçicisi ilə görüşüb. Deputat görüşə yazılan 27 seçicinin hər biri ilə ayrı-ayrılıqda görüşərək onların problemlərini dinləyib.
Seçicilərlə görüşdə ən çox qabardılan məsələlər-ev, torpaq və iş məsələləri olub. Bildirilib ki, əvvəlki və son qəbullarda qaldırılan məsələlər üzrə aparılan analizlər göstərir ki, Quba şəhərində çox sayda ailə yaşayış üçün uyğunlaşdırılmış köhnə tikililərdə və bəziləri kirə evlərdə yaşayırlar ki, bu da onların haqlı narazılıqlarına səbəb olur. Bu məsələnin həlli yolları mütləq rayonun müvafiq təşkilatları tərəfindən araşdırılmalı və lazımi qərarlar qəbul olunmalıdır.
Qeyd edilib ki, hal-hazırda Quba şəhərinin abadlaşdırılması istiqamətində böyük işlər görülür.Paralel olaraq su və kanalizasiya sistemləri yenidən qurulur və bu işlər qubalılarda böyük sevincə səbəb olub.Deputatın da Quba rayonunda tez-tez olması görülən işlərdə yaxından iştirak etmək, deputat səlahiyyətləri çərçivəsində kömək etməkdir.
Ənənəyə uyğun olaraq qəbuldan sonra Vahid Əhmədov rayonun icra başçısı ilə görüşüb, rayon və sakinlər üçün aktual oplan məsələlər bir daha birgə nəzərdən keçirilibdir.
Modern.az
