Türkiyədə son sutka ərzində daha 58 nəfər koronavirusdan ölüb.
Modern.az xəbər verir ki, bu barədə ölkənin səhiyyə naziri Fəxrəddin Qoca məlumat verib.
Nazir bildirib ki, bununla da ölkədə koronavirusdan ölənlərin ümumi sayı 3 952 nəfərə çatıb:
"Son 24 saatda 33 332 şübhəli koronavirus testindən keçib. Koronavirus testindən keçənlərdən 1 639 nəfərinin cavabı pozitiv çıxıb. Bununla da yoluxanların ümumi sayı 143 114 nəfərə çatıb. Müalicə olunan 2 826 xəstə isə bu gün evə buraxılıb. İndiyədək 101 715 nəfər koronavirusdan müalicə olunub".
