Dünyanın daha bir ölkəsində koronavirus xəstəsi qalmayıb.
Modern.az xəbər verir ki, Şərqi Timor Demokratik Respublikasında infeksiyaya yoluxmuş 24 nəfərin hamısı sağalıb.
Bundan başqa ölkədə 738 nəfərdən götürülmüş testin cavabı neqativ çıxıb.
Beləliklə, Ümumdünya Səhiyyə Təşkilatı (ÜST) Şərqi Timoru da koronaviruslu ölkələr siyahısında sıfır göstərici ilə işarələyib.
Qeyd edək ki, bundan öncə Qrelandiya, Sent-Bartelemi, Folklend Adaları, Anguilla, Surinam, Papua-Yeni Qvineya, Beliz, Yeni Kaledoniya, Farer Adaları, Mavriki, Qərbi Saxara, Sen-Pyer və Mikelon, Karib Niderlandı və Müqəddəs Lüsiyada koronaviruslu xəstə qalmayıb.
ÜST-ün məlumatına görə COVID-19 dünyanın 213 ölkə və ərazisində qeydə alınıb.
T.İSMAYIL
