Fransada koronavirus qurbanlarının sayı artıb.
Modern.az xəbər verir ki, son sutkada virusdan 35 nəfər ölüb. Bununla da Fransada COVİD-19-dan 28 367 nəfər dünyasını dəyişib.
Koronavirusa yoluxma nəticəsində xəstəxanaya yerləşdirilənlərin sayı gün ərzində 17 185 nəfərə yüksəlib. İndiyədək ölkədə 182 584 nəfərdə COVID-19-a yoluxma faktı təsdiqlənib.
Fransa Baş Səhiyyə İdarəsinin məlumatına görə, hazırda ölkə xəstəxanalarının reanimasiya şöbələrində ağır vəziyyətdə olan 1 655 koronaviruslu xəstə var.
Ümumilikdə, epidemiyanın əvvəlindən bəri 100 340 nəfər xəstəxanaya müraciət edib, onlardan 17 725 nəfər reanimasiya şöbəsinə yerləşdirilib. 64 617 nəfər isə evə buraxılıb.
