Modern.az-ın məlumatına görə, millət vəkili Qənirə Paşayeva Almaniyada Avropada yayımlanan Türk kanallarında Dağlıq Qarabağ problemindən danışıb.
Deputat Daglıq Qarabağ münaqişəsi ilə bağlı Avropada yayımlanan Türk kanallarında geniş çıxışlar edib. “Kanal Avropa”-nın yayımında Ermənistanın Qarabağda törətdiyi vandalism aktlarını diqqətə çatdırıb.
Millət vəkili həmçinin çıxışlarında bildirib ki, Azərbaycanın 20 faiz torpaqının 20 ildir Ermənistanın işğalı altında qalması sadəcə Azərbaycanın deyil, bütün Türk dünyasının ortaq məsələsidir.
“Ermənistanın işğal etdiyi Azərbaycan torpaqlarında törətdiyi dəhşətlərə dünya laqeyid yanaşır. Amma biz bunun belə davam etməsinə imkan verməməliyik və verməyəcəyik. AŞ, BMT kimi beynəlxalq təşkilatların Dağlıq Qarabağın Ermənistan tərəfindən işğalı ilə əlaqədar qəbul etdikləri qərarları vardır. Lakin Ermənistan bu qərarların heç birini həyata keçirmir. Amma buna baxmayaraq Ermənistana bildirib ki, harada doğulmasından və harada yaşamasından asılı olmayaraq hər bir Türk insanı Xocalı Soyqırımı, Qarabağ həqiqətlərinin dünyaya çatdırılması, bu soyqırımı törədənlərin öz layiqli cəzasını alması üçün çalışmalıdır. “Xocalı Soyqırımı, Dağlıq Qarabağ problemi tək Azərbaycanın deyil, bütün Türk dünyasının problemidir”-deyə Q.Paşayeva deyib.
Modern.az
