ATƏT-in fəaliyyətdə olan sədri, İrlandiyanın xarici işlər naziri Eymon Gilmor gələn həftə Cənubi Qafqaza səfərə gəlir. Modern.az bildirir ki, bu barədə ATƏT–in yaydığı press-relizdə məlumat verilib. İyunun 11-12-də Gilmor İrəvanı, Tiflisi ziyarət etdikdən sonra Bakıya gələcək.
Səfər çərçivəsində Gilmorun Ermənistan, Azərbaycan, Gürcüstan prezidentləri və siyasi qüvvələrlə görüşü planlaşdırılıb. Bu görüşlərdə ATƏT-in regiondakı prioritetləri müzakirəyə çıxarılacaq.
“ATƏT-in sədri olaraq İrlandiyanın əsas prioritetləri dondurulumuş münaqişələrin həllində irəliləyişə nail olmaqdır. Səfər çərçivəsində ATƏT sədri Qarabağ problemnin həlli yollarını müzakirə edəcək”-deyə ATƏT-in məlumatında vurğulanır.
X.SƏFƏROĞLU
