Son illərdə kuboku qazanan komandanın mükafatı əlindən salıb sındırması dəfələrlə yaşanıb.
Modern.az xəbər verir ki, növbəti belə hadisə İngiltərə kubokunun finalında baş verib.
“Çelsi” üzərində 2:1 hesablı qələbədən sonra ölkə kubokunu qazanan “Arsenal” mükafatla düzgün rəftar etməyib. Komandanın kapitanı və finaldakı dublun müəllifi Pyer-Emerik Obameyanq kuboku əlindən salıb. Zərbədən mükafatın aşağı hissəsi qopub.
Qeyd edək ki, bir neçə gün əvvəl Rusiya kubokunun finalındakı qələbədən sonra “Zenit” futbolçuları da mükafatı əlindən yerə salmışdı. (APA)
