Bu gün futbol üzrə Avropa çempionatının qrup mərhələsində Fransa ilə İngiltərə yığmaları üz-üzə gəlib.
D qrupunda mübarizə aparan komandalar maraqlı oyun nümayiş etdirsələrdə meydanda sülhlə razılaşmalı olublar. Futbol sevərlərin maraqla izlədiyi qarşılaşmada ilk qolu ingilislər vursalar da Fransa yığması cəmi 9 dəqiqə sonra hesabı bərabərləşdirə bilib. Belə ki, matç 1:1 hesabı ilə başa çatıb.
Xatırladaq ki, 2004-cü ildə bu komandalar arasında baş tutan görüş 2:1 hesabı ilə Fransanın xeyrinə başa çatmışdı.
Ukrayna və Polşanın birgə təşkilatçılığı ilə keçiriləcək turnirdə D qrupu üzrə günün son qarşılaşmasında isə digər təşkilatçı ölkə Ukrayna millisi İsveçi sınağa çəkəcək. İsveçdən fərqli olaraq Ukrayna yığması turnir boyu doğma azarkeş amilindən maksimum yararlanmağa çalışacaq. Ukrayna - İsveç matçından sonra qrup mərhələlərinin I turuna yekun vurulacaq.
Modern.az
