“Azərsu” Açıq Səhmdar Cəmiyyəti istehlakçıların içməli su təchizatının yaxşılaşdırılması istiqamətində kompleks tədbirləri davam etdirir. “Azərsu”nun mətbuat xidmətindən Modern.az-a verilən məlumata görə, abunəçilərin dayanıqlı və keyfiyyətli içməli su ilə təchiz edilməsi, həmçinin su itkilərinin qarşısını almaq məqsədi ilə Bakı şəhəri Sabunçu rayonunda + 110 Şərq su anbarından çəkilmiş 4 kilometr uzunluğunda 800 mm diametrli magistral su xəttinin şəbəkəyə qoşulması işləri aparılır.
Bununla əlaqədar iyun ayının 22-23-də Sabunçu rayonunun Bakıxanov qəsəbəsinin bəzi yerlərinə, Sülh, M.Gəncəvi, Mehmandarov, N.İsmayılov, S.Qocayev, E.Xəlilov, S.Vurğun, M.Fətəliyev küçələrinə içməli suyun verilməsində fasilələr yaranacaq.
Yaranmış narahatlıqla əlaqədar “Azərsu” ASC abonentlərdən üzr istəyir.
Modern.az
