Milli Məclisin üzvü Musa Qasımlı Qara dəniz İqtisadi Əməkdaşlığı Təşkilatının qurulmasının 20 illiyi ilə bağlı Türkiyədə keçiriləcək “Yeni üfüqlər axtarışında: ölkə perspektivləri” mövzusunda beynəlxalq forumunda iştirak edəcək. Bu barədə Modern.az saytına məlumat verən deputat bildirib ki, tədbir Türkiyə Xarici İşlər Nazirliyinin Strateji Araşdırmalar Mərkəzinin təşkilatçılığı ilə İstanbul şəhərində baş tutacaq. M.Qasımlının sözlərinə görə, beynəlxalq foruma təşkilata daxil olan ölkələrin alimləri qatılacaqlar.
Qeyd edək ki, Qara dəniz İqtisadi Əməkdaşlığı Təşkilatı 1992-ci il iyun 25-də 11 ölkənin (Türkiyə, Rusiya, Ukrayna, Azərbaycan, Rumıniya, Bolqarıstan, Yunanıstan, Gürcüstan, Moldova, Albaniya, Ermənistan) dövlət başçılarının imzaladıqları bəyannamə ilə qurulub. Sonralar Serbiya bu quruma üzv qəbul edilib. Təşkilatda 13 ölkə - ABŞ, Almaniya, Fransa, İtaliya, Polşa, Avstriya, və b., o cümlədən bir sıra beynəlxalq təşkilatlar müşahidəçi statusu ilə iştirak edirlər.
Modern.az
