Tələbə Qəbulu üzrə Dövlət Komissiyası (TQDK) iyunun 24-də respublikanın bir sıra şəhər və rayonlarında, o cümlədən Şəki, Baləkən, Qax, Qəbələ, Oğuz, Mingəçevir, Göyçay, Ucar, Kürdəmir, Ağsu və Ağdaş da orta ümumtəhsil müəssisələrinin XI və IX sinif şagirdləri üçün keçirilən buraxılış imtahanlarının nəticələrini açıqlayıb. TQDK-nın mətbuat xidmətindən Modern.az-a verilən məlumata görə, imtahan nəticələri qurumun rəsmi internet saytında yerləşdirilib.
( XI sinifin buraxılış imtahanlarının nəticələri - (//www.tqdk.gov.az/orta2012net/ , IX sinifin imtahan nəticələrini isə //www.tqdk.gov.az/orta2012net9/).
Qeyd edək ki, imtahanlarda 11 şagird müxtəlif qayda pozuntularına yol verdiklərinə, o cümlədən başqasının yerinə imtahana girmə, mobil telefonla imtahan binasına keçməyə cəhd, imtahanın gedişinə mane olma və köçürməyə cəhd etdiklərinə görə imtahandan xaric edilib və nəticələri ləğv olunubdur.
Anar RÜSTƏMOV
