Azərbaycan Ordusunun zərbələri qarşısında aciz qalan Ermənistan yeni təxribata əl atıb. Belə ki, rəsmi Yerevan Azərbaycanı Kollektiv Təhlükəsizlik Müqaviləsi Təşkilatına şikayət etməyi düşünür.
Modern.az Ermənistan KİV-nə istinadən xəbər verir ki, bu barədə Artsrun Ovannisyan bildirib.
O, hərbi bloka şikayət edərkən Azərbaycan pilotsuz təyyarələrinin Ermənistanın hava məkanı pozmasını əsas gətirəcəklərini deyib.
“KTMT-ya lazım olan bütün sənədləri təqdim edəcəyik” - deyə açıqlamada deyilir.
Xatırladaq ki, Kollektiv Təhlükəsizlik Müqaviləsi Təşkilatına Rusiya, Belarus, Ermənistan, Tacikistan, Qazaxıstan və Qırğızıstan üzvdür.
