Kiyevin “Olimpiyski” stadionunda futbol üzrə Avropa Çempionatının final oyunu keçirilib.
Modern.az xəbər verir ki, finalda İspaniya millisi İtaliyanı 4:0 hesabı ilə darmadağın edib.
Oyunun 14-cü dəqiqiəsində Silva hesabı açıb. 41-ci dəqiqədə Alba İspaniyanı 2:0 hesabı ilə irəli çıxarıb.
84-cü dəqiqədə Torres, 88-ci dəqiqədə Mata hesabı artırıblar - 4:0.
Qeyd edək ki, matçın 57-ci dəqiqəsində İtaliyanın heyətində meydana çıxan Tiaqo Motta az sonra zədələnərək görüşü davam etdirə bilməyib. Motta İtaliya millisinin sonuncu dəyişikliyi olduğundan komanda oyunu 10 nəfərlə davam etdirmək məcburiyyətində qalıb.
Modern.az
