Modern.az-a daxil olan məlumata görə, məcburi köçkünlərin oxuduqları məktəblərdə dərs deyən müəllimlərin əmək haqları gecikir. Belə ki, Kəlbəcər, Laçın, Qubadlı məktəblərində dərs deyən müəllimlər maaşlarını hələ də ala bilməyiblər. Verilən məlumata görə, bu hadisə artıq bir neçə dəfə təkrar olunur.
Təhsil Nazirliyindən Modern.az-a bildirilib ki, qaçqın və məcburi köçkün məktəblərində dərs deyən müəllimlərin əmək haqlarının gecikməsi nazirliyə aid məsələ deyil. Bununla həmin rayonun təhsil şöbələri məşğul olurlar.
Qeyd edilən rayonların təhsil şöbələri ilə əlaqə saxlayıb məsələyə aydınlıq gətirməyə çalışsaq da, heç bir məlumat əldə də bilmədik.
Modern.az
