Qırğızıstan prezidenti vəzifəsini icra edən Baş Nazir Sadır Japarov, istefada olan keçmiş dövlət başçısı Sooronbay Jeenbekova eks-prezident statusu və bir sıra imtiyazlar verilməsi barədə fərman imzalayıb.
Modern.az TASS-a istinadla xəbər verir ki, bu barədə Qırğızıstan Nazirlər Kabinetinin mətbuat xidməti məlumat verib.
Fərman imzalandığı andan qüvvəyə minir.
Fərmana görə, Jeenbekov ömür boyu dövlət müdafiəsi, “Ala-Arça” dövlət iqamətgahı ərazisində yaşamaq hüququ, xidməti avtomobil və xüsusi klinikada pulsuz tibbi yardım ilə təmin olunacaq.
Qeyd edək ki, S.Jeenbekov oktyabrın 15-də istefasını elan edib. Qanuna görə, parlamentin spikeri Kanat İsayev dövlət başçısı vəzifəsini icra etməli idi. Lakin o, imtina etdiyi üçün səlahiyyətlər Baş Nazir Japarova keçib.
