Bu gündən “Bakı Metropoliteni” QSC sərnişindaşıma fəaliyyətini dayandırıb.
Modern.az-ın məlumatına görə, bu addım Nazirlər Kabineti yanında Operativ Qərargahın qəbul etdiyi qərara uyğun olaraq atılıb.
Bakı metrosunda fasilə 16 gün – 2 noyabr saat 06:00-a qədər davam edəcək.
Qeyd edək ki, son günlər Azəbaycanda koronavirus (COVİD-19) infeksiyasına yoluxmalar kəskin artıb. Bu səbəbdən Nazirlər Kabineti yanında Operativ Qərargahın oktyabrın 16-da verdiyi qərarla Bakı Metropoliteninin işi noyabrın 2-dək dayandırılıb.
