Mətbuatda Daşkəsən rayonunda tikilən 1 milyon 600 min manatlıq Olimpiya Kompleksinin inşasına ayrılan vəsatin mənimsənildiyi barədə məlumat ciddi rezonans doğurub.
Yayılan məlumatlara görə, kopmpleksi rəsmi sənədlərdə göstərildiyi kimi sel aparmayıb, əslində orada heç daşı-daş üstünə qoymayıblar.
Modern.az məsələ ilə bağlı rəsmi qurumdan münasibət öyrənməyə çalışıb.
Gənclər və İdman Nazirliyinin mətbuat xidmətinin rəhbəri Səmayə Məmmədova sadəcə bildirib ki, onlar bununla bağlı heç bir açıqlama vermək istəmirlər:
“Əgər məsləhət olsa, mediaya məlumat yayacağıq. Amma hazırda bununla bağlı cavab vermək istəmirik”.
Aytən ƏLİYEVA
