Açıq Cəmiyyət Partiyasının sədri, keçmiş müsavatçı Sülhəddin Əkbər son günlər müxalifət cəbhəsində prezident seçkiləri ilə bağlı irəli sürülən vahid namizəd məsələsinə münasibət bildirib. O, Modern.az-a açıqlamasında bildirib ki, Azərbaycan hakimiyyəti seçki məsələsini ortaya ataraq müxalifəti çaşdırmağa çalışır.
“Azərbaycanda seçkiqabağı demokratik mühitin yaradılması, azad və ədalətli şəraitin formalaşması vacib amillərdəndir. İndiki halda prezident seçkilərindən söhbət etmək, vahid namizəd məsələsindən danışmaq, müzakirələr aparmaq düzgün deyil. Bu əslində hakimiyyətin ortaya atdığı bir oyundur.
